郭英成:紙媒賺唔到錢 稱買咗星島後先睇紙媒 認為內容有待加強

文章日期:2021年6月29日 18:39

內房佳兆業(1638)主席郭英成斥近3.75億元入主本地媒體星島(1105)後首次以主席身份亮相,被問到對於星島未來發展時,他直言紙媒是「賺唔到錢」,又形容自己「紙媒我都好耐無睇過,買咗星島後先睇紙媒,睇完覺得內容可以加強」,但由於星島擁有眾多上年紀的忠實紙媒讀者,亦希望繼續為他們服務,故會維持。

問到星島可會有人員調整或增減時,他表示,「星島是老品牌,絕大多數員工係好員工,會盡力所能畀佢哋開心」,但由於發展APP是大勢所趨,故希望員工能繼續努力轉變,適應不同崗位,為保證星島的核心競爭優勢,未來紙媒及APP需要有效結合,故人手結構亦會有相應培訓及調整。

對於何時實現扭虧等目標,郭英成表示,「我唔係神仙,但全體管理層同董事都努力緊,特別曉婷(副主席郭曉婷)都努力緊,但先加入一個幾星期,唔敢講住」。但他表示,難講「之前(入主星島前)嘅研究同依家係咪一樣,但未來(方向)係一定要賺錢,唔係畀佢蝕錢」。

郭英成指,在新媒體的投入,特別是APP的投入會與收入不成正比,目前坊間一些公司每年都會「燒」幾億元搞APP,但他本身有一間私人公司是做APP開發的,將可為星島提供支援,望能用最少的錢,令成本得到有效控制。他又指,希望年尾能完成開發新APP,將現有星島APP與新APP結合,會主攻商業化的合作,令其能達至收支平衡。

他又表明,目前無意將佳兆業其他業務注入星島,因為佳兆業的文化產業及星島的文化產業是兩個路向,但不排除在合適並能為股東帶來利益時雙方可以合作。他又提到,A股上市的佳雲科技,每年互聯網廣告收入達100億元,若以商人思維,雙方係可以合作,藉此提升星島的收入。

記者:方楚茵

 

其他報道

會否撐何柱國選特首?郭英成:依家亂講嘢無咩價值

蘋果停刊︱郭英成:香港「紅線」就係法律 星島發展必以法律為依歸