蘋果停刊︱郭英成:香港「紅線」就係法律 星島發展必以法律為依歸

文章日期:2021年6月29日 17:37

星島新聞集團(1105)易主至內房佳兆業(1638)主席郭英成之手後,郭氏首次帶領星島新班子包括其女兒兼副主席郭曉婷、獨董蔡加讚及星島行政總裁蕭世和等會見傳媒,更不避諱談及近期蘋果停刊事件,指香港的核心價值及紅線就係法律,「只要你超越咗,呢個就唔係紅線咁簡單,未來星島發展一定以法律為依歸,希望所有人都係」。他又反問「如果一個人唔遵守法律,連自己條命都無,連自己都保護唔到,我覺得係唔負責任,搞到間公司都唔見咗,就咁你覺得係咪英雄?」

他又指出,「我覺得好多人都要供樓,所以香港發展民生、就業、教育、地產有好多競爭優勢,香港有咩唔遵守法律,我覺得係唔可以、唔應該,當然每個人都有自己諗法,如果唔係就無警察,香港警察好強㗎。」他指,希望香港人人遵守法律,包括星島人。

問到對於傳媒編採是否有「紅線」,郭英成指「我無咩感覺啦,因為我唔係媒體人,係生意人,咁如果我有感覺,我梗係要出聲啦。」

蕭世和則指,作為上市公司按上市公司去營運,作為媒體則按主席所講,以專業精神,不偏不倚,公平公正去營運。

到於提到公司會增聘人手,會否考慮蘋果日報員工,郭英成指「(蘋果員工)大部分都係好人,都係打份工,為香港市民服務,不用挖角有需求就來。」

記者:方楚茵

其他報道

大快活:港最多開13間分店 無計劃加價

「流冷汗」捧奈雪的茶 和黃醫藥暗盤升23%

滴滴美國IPO據報將以上限或高於區間的範圍定價

首季零售銀行稅前溢利減少19.7%

友邦145億入股中郵人壽保險25%

掌舖推網購市集 免費推廣旗下商戶

ICAP據報伙拍富達渣打推加密貨幣交易平台

彭博社:阿里、江蘇省政府財團接近達成收購蘇寧易購

證監會發表關於ESG基金披露的新指引