財經花生︳李小加：兒子有買GME 每個年輕人都應該參與一次革命
文章日期：2021年3月23日 21:47
港交所（0388）前行政總裁李小加言論一向「出位」，佢昨日出席瑞信亞洲投資論壇（AIC），講到早排美國散戶齊齊推高美股GameStop（GME），成功「挾爆」沽空機構，佢就自爆兒子當時都有份買入GME，仲話「每個年輕人都應該參與一次革命」，同個仔講呢個就係佢嘅革命。
自從《港區國安法》通過後，「光復」、「革命」全部變晒敏感詞，不過小加就無有怕。佢話對於個仔炒GME無打算擺老豆款說教，話「每個年輕人一生中都應該參與一次革命，這是你的一個革命。」唔知香港嘅年輕人又會參與點嘅一場革命？
講返老本行，小加提到仲在任港交所行政總裁時，一直同業界合作，希望可以降低股票印花稅，因此對財爺早排上調稅率消息感到好驚訝。他話希望當經濟好轉時，政府可以檢討返印花稅率，不過佢似乎都打定輸數，「下調稅率經常是難於上調稅率。」
其他報道
WeWork據報藉SPAC上市集資78億 估值勁縮八成至702億