【財經花生】證監騙案片搵石鏡泉、沈大師點化股民 網民:好肉酸

文章日期:2021年2月10日 20:08

證監會前日(8日)喺社交平台facebook擺咗一條teaser,話將會分享「投資貼士」,要公眾密切留意。今日(10日)條片正式出爐,內容、嘉賓、拍攝手法同畫面效果都令人感到詫異。

短片長大約5分鐘,開場為《香港經濟日報》前副社長石鏡泉、香港股票分析師協會副主席郭思治、訊匯證券行政總裁沈振盈,同輝立證券董事黃瑋傑四個人坐埋一齊,不過四人仲未介紹自己,就即刻「去片」。

畫面一轉,出現兩名騙徒,推介一隻爆升股「昆水國際(7788)」,兩人成功呃到唔少散戶,其中一人又話開咗200個人頭戶口,掃晒街貨,準備好炒爆呢隻股份。

畫面再轉,兩名證監會職員,一本正經咁分析呢隻細價股可能涉及「唱高散貨」。分析完畢,兩名職員同兩名商業罪案調查科警員,就料事如神咁,即刻搵到騙徒所在嘅會議室,四個人表情大義凜然,仲要有慢鏡頭、警匪片配樂,表現相當英勇。

條片睇完,返嚟四位大師度,每個人都有幾句台詞。石鏡泉就話,唔好輕信網路世界中嘅投資專家。最後,郭思治講笑話咁話會畀一組「冧巴」,即係18222(警方防騙熱線)。

證監會早前高調表示,會加強投資者教育。不過首度出片,社交媒體上網民反應就認真麻麻。有用戶評論,「炒左個PR啦」、「好肉酸」。有用戶就貼出新聞,話沈振盈管理嘅訊匯證券2019年因監控缺失,遭到證監會譴責同罰款,唔明點解證監搵佢拍片。亦有不少網民引用石鏡泉名言,話要「藤條炆豬肉」。

雖然條片質素好有爭議,不過,最奇怪恐怕都係證監會呢句「石鏡泉、郭思治、沈振盈和黃瑋傑四位投資大師聚首一堂,他們即將分享的貼士,大家可以all-in盡信」。

話說證監會作為中立嘅監管機構,將上述4位鑑定為「投資大師」,如果日後有股民跟住佢哋嘅貼士炒股而不幸輸錢,怕唔怕股民重演多年前,到證監會辦公室樓下叫「回水」嘅場面呢?

財經專欄》收費內容 免費試閲

【機會難逢】每日免費盡覧《明報》報章專欄作家精闢分析 — 政治局勢、投資理財、社會時事,詳盡資訊盡在《明報電子報》。

立即登記:https://link.mingpao.com/67055.htm

截止登記日期為2月17日;免費試閲期至3月15日 

其他報道

中國財政部約談德勤:零容忍違規行為

【專欄】移民快手的非計量研究

CNBC:百度擬設芯片公司供車廠用

太地售太古城中心一期落實第二步交易   套回現金逾9.73億

渣打「人日」玩虛擬幸運輪加碼派利市 員工有望多逗2000元

康希諾生物:重組新冠病毒疫苗獲墨西哥緊急使用授權

花旗:港視聯名信用卡帶動去年新卡增長

嗶哩嗶哩:樂於接納廣大用戶批評 即日起開展網絡環境專項整治行動

消息:諾輝健康再破百萬人認購  乙組頭或僅中一手

邢李㷧三名女兒全沽手上思捷1.22%股權 套現1.19億

澳門旅遊局文綺華料農曆年假期間訪澳旅客日均逾1.6萬人次

南華早報:證監會調查港交所候任CEO歐冠昇背景

中國奧園1月合同銷售額增1倍

中旅發盈警 料去年見紅虧損逾3.5億

李嘉誠基金會慈山寺供花為港人祈福 願港人具般若之慧 明心見性