【有片:財經花生】騰訊20周年馬化騰再開金口 寓意股價唔再跌?

文章日期:2018年11月12日 13:20

昨日雙十一,除了是購物節以及一戰和平紀念日,原來還是騰訊(0700)成立20周年紀念日子。可能考慮到無謂阻住人shopping,所以騰訊並無怎樣大搞慶祝活動,不過唔大搞唔等於唔搞,騰訊昨日便上載了一首叫《全新出發》的20周年主題曲MV,從員工到老細齊齊載歌載舞,更有網民笑言,沒想到騰訊原來有這麽多女員工。

先講首歌,請來內地音樂人邱良(果醬)作詞作曲,並由創作歌手兼音樂製作人胡彥斌帶領旗下牛班團隊編曲製作,MV入面所有舞蹈都由台灣藝人羅志祥御用編舞及伴舞的舞蹈老師大目編排,唔怪得成個MV拍得咁有專業水準啦。而且除了騰訊員工主唱,就連主席馬化騰都大開金口,副歌部份就係由佢連同總裁劉熾平、COO任宇昕、微信總裁張小龍等人出鏡演唱,雖然只是唱了「最初的信仰,指引我的方向」兩句,但成班總裁辦高管出場,明顯就係要振奮士氣。

惟一可惜係,大合唱冇辦法聽出馬化騰唱功,不過馬化騰過去其實已幾次開金口,最經典一次是2016年騰訊聖誕晚會,以Hit-Hop打扮又唱又跳張學友的《餓狼傳說》,全場High爆。

講返首《全新出發》,開宗明義就係要表達騰訊下一階段發展大計,歌詞亦勵志,尤其是最後果句英文「This time I will never let you down」,係咪可以解讀為「馬生唔俾股價跌」呢?

花生醬

【放榜前夕】騰訊放榜前被大行調低目標價 股價曾挫近3%

【異動股】有線大折讓供股 最多挫逾三成

【大行看好】中金:國指明年可見11600點 潛在升幅11%