【有片:財經花生】小超開聯合國大會 睇「天鵝湖」表現?

文章日期:2017年11月14日 17:56

長江基建(1038)業務遍佈全球,日前集團旗下逾20間來自世界各地的成員公司,多達約1200名員工及親屬更齊集香港,搞了一個「長建環球一家同樂日」。據悉本來主席李澤鉅當日約見了澳洲總理在港見面,但為表他對上述活動的尊重和支持,把會面時間提早至清晨6時許,加上當日原來撞正港島區有十公里跑比賽;沙田又有單車賽,周圍都封路,但「小超」依然準時出席活動並主持開幕儀式喎,所以話,員工真是公司最寶貴的資產。

唔好以為呢個同樂日只係普通公司的聯誼活動,他們各個成員公司都派出代表互相比賽,其中一項舞蹈比賽更令人大開眼界,最終由來自Northern Gas Networks以娛樂性豐富的「天鵝湖」勝出,點解?文字難以形容,立即滑至底部觀看影片...

講返呢個活動,集團公關話,今年係第三屆,每兩年搞一次,四年前開始舉辦第一屆,目的係想不同國藉的同事聚首一堂,開個聯合國大會。好像今次每個成員公司派出數十個員工,加埋成千人,幾乎包晒全間北角海逸黎住呀!