華為小公主姚安娜殺入娛樂圈

文章日期:2021年1月15日

【明報專訊】講起中國電訊設備商華為董事長任正非愛女,除咗一直被引渡案困擾嘅副董事長孟晚舟,原來佢仲有一個同父異母嘅細妹叫姚安娜。被稱為「華為小公主」嘅姚安娜噚日喺官方微博宣布,正式出道成為藝人,勇闖娛樂圈,送一份特殊嘅生日禮物畀自己,仲希望未來「不負熱望」。

為孟晚舟同父異母細妹

姚安娜不但含住金鎖匙出世,仲擁有高學歷背景。噚日23歲生日嘅小公主,喺哈佛大學修讀計算機科學及統計學。回想喺哈佛讀書嘅時候,姚安娜話係一個學習同尋找定位嘅過程,起初都會盲目跟從同學搵啲金融、諮詢行業嘅工作,費事標奇立異嘛。

不過咁,讀呢科又唔一定做呢行,可以好似姚安娜一樣,出道成為藝人。喺細妹宣布出道嘅大喜日子,家姐孟晚舟都有消息傳出,就係佢申請緊放寬保釋條件,又屢傳收到恐嚇信,信入面仲藏有子彈𠻹!

email:piano@mingpao.com

[小琴密語]