花旗置業意向調查:一成認為係置業好時機

文章日期:2020年8月5日

【明報專訊】香港人一向買樓上車至上,花旗噚日就公布今年第二季市民置業意向,發現有超過一成受訪者覺得現時係好嘅置業時機,比例係近9年來最高,更加有近三成人覺得樓價會上升,同第一季疫情啱啱開始嘅時候差好遠。

調查顯示,53%受訪者話現時係「差/極差」嘅置業時機,52%受訪者話現時對置業「非常唔感興趣/頗不感興趣」,比例都同上季差唔多;但有近五分之一人受訪者話有興趣置業,比上季多咗少少。

小琴發現,大家似乎開始覺得疫情對樓市影響不大,33%受訪者話樓價喺未來12個月會上升,多上季疫情開始嘅時候一倍,預期疫情對樓價打擊最多淨係得5%。

稱疫情影響不大 33%受訪者料樓價會升

花旗銀行零售銀行業務主管李貴莊就話,市民喺第二季開始重拾置業信心,整體樓市氣氛好轉,預期樓價上升嘅受訪者倍增,樓市發展會逐漸回復正常。

雖然香港嘅疫情一直都未完,但大家依然覺得樓價會上升,似乎就算第三波疫情猛烈,仍然阻不了香港人上車嘅願望?

[小琴密語]