人行警告 炒鞋恐爆金融風險 - 20191019 - 報章內容 財經 - 明報財經網

人行警告 炒鞋恐爆金融風險

文章日期:2019年10月19日

【明報專訊】內地人愛炒賣,由月餅、演唱會門票到限量版T-shirt都經常惹來瘋搶,近年仲有唔少人炒賣波鞋。有內媒就話,呢個「炒鞋」熱潮已經引起金融監管者的關注。幾日前人行上海分行以《警惕「炒鞋」熱潮防範金融風險》為題發布簡報文件,提到球鞋轉賣出現「炒鞋熱」,仲形容「炒鞋」平台係「擊鼓傳花」式資本遊戲,提醒各機構高度關注,採取有效措施防範此類風險。

人行上海分行嘅簡報話,內地已經有超過10個「炒鞋」平台,仲開始好似股票咁,有大量參與者同交易量,而且價格波動劇烈。簡報仲講到,「炒鞋」行業背後可能有非法集資、非法吸收公眾存款、金融詐騙、非法傳銷等違法問題,要大家警惕。報告仲要求各個義務機構加強「炒鞋」平台嘅資金交易監測,如果發現平台有參與洗錢等犯罪活動,一定要提交可疑交易報告。

[小琴密語]