金管局加人工 僅追貼通脹

文章日期:2019年4月5日

【明報專訊】金管局公布年度薪酬檢討結果,今年雖然比舊年高少少,但小琴估計員工都未必太滿意,因為人工加幅僅僅追貼通脹率,而且係近10年第二低。

金管局噚日宣布,財政司長批准金管局員工嘅整體固定薪酬調高2.65%,比舊年嘅2.35%高,但要明白舊年嘅加幅係2009年凍薪以來最低,今年雖然脫離谷底,但加幅仍然係近10年第二低。而且對比通脹率,例如最新2月份嘅按年2.4%,或2018年度剔除一過性紓困措施影響後嘅2.6%,今年嘅加幅可以話只係僅僅追得上通脹。

不過表現出色嘅相信可以加得更多,因為金管局話,另會撥出相當於固定薪酬1.35%以獎勵表現出色嘅員工。此外,工作表現達到或超越指定水平嘅員工,將會獲發浮動薪酬,總額相當於薪酬總額嘅20.12%。

email:piano@mingpao.com

[小琴密語]

明報影片