機場免稅店「畀面」就可畀錢

文章日期:2019年4月3日

【明報專訊】電子支付工具崛起,買嘢一部手機就可以搞掂,螞蟻金服旗下嘅支付寶更提供「畀面」就可以畀錢,宣布喺香港機場內嘅免稅店Duty Zero by cdf,提供人臉識別支付服務。

支付寶安裝12部臉部識別機

支付寶喺香港機場Duty Zero by cdf免稅店安裝咗12部刷臉設備「蜻蜓」,令中國出境遊客可以「刷臉」付款,用戶只須喺付款時先輸入手機號碼,再將臉部對準鏡頭,完成人臉識別後,就完成整個支付過程喇。

支付寶話,今次係舊年11月阿里巴巴同中免集團簽署戰略協議後,雙方首個海外市場合作,𠵱家中免—拉格代爾喺香港國際機場有8間煙酒免稅店。

支付寶仲提到,「刷臉」可能會比用指紋支付更安全可靠,當中嘅智慧演算法同風控體系綜合保證咗準確度同安全,識別準確率高達99.99%。

[小琴密語]