匯豐手機app可共享積分

文章日期:2019年4月3日

【明報專訊】匯豐噚日公布,所有個人信用卡持卡人,都可以透過「Reward+」應用程式(app),同親友分享自己戶口嘅信用卡積分「獎賞錢」,毋須手續費,用戶通過app內嘅「賞付款」功能,仲可以將「獎賞錢」拎去找卡數。匯豐仲提到,除咗可以當為禮物,仲可以用作飯局分帳,就算一個人碌卡,信用卡積分都可以分返畀朋友。

飯局一人碌卡 積分齊齊享

匯豐指出,「Reward+」由上年1月推出至今,已經有45萬用戶下載,「獎賞錢」相關資料都會詳細列明喺信用卡帳單,每次設定同分享信用卡積分,都要經過雙重驗證,之後都會收到SMS同電郵,用家可以安心使用。

該行香港區零售銀行及財富管理業務主管欣格雷就話,匯豐係第一間銀行推出呢個功能,相信客戶可以更加方便同靈活去用信用卡積分。小琴覺得呢個功能相當有創意,因為一大班人出去食飯,好多時都會有人爭住碌卡儲分,𠵱家共享積分,大家就唔使咁尷尬啦!

email:piano@mingpao.com

[小琴密語]