曾俊華加入Bowtie 任資深顧問 - 20190402 - 報章內容 財經 - 明報財經網

曾俊華加入Bowtie 任資深顧問

文章日期:2019年4月2日

【明報專訊】近排唔少財金官員退休後鍾意去金融科技公司,好似財庫局前局長陳家強去WeLab虛擬銀行做非執行主席,曾俊華噚日宣布,會出任第一間獲發虛擬保險牌照的Bowtie(保泰人壽)資深顧問。

近年愈來愈親民嘅曾俊華話,佢認識的Bowtie團隊勇於嘗試,亦有一份難得的保險初心,對革新保險業充滿熱誠,「隨着科技進步,我相信市場需要一股新力量,將基本醫療保障帶給香港市民。」Bowtie聯合創辦人兼聯合行政總裁陳鯤宇表示,曾俊華在金融界累積多年經驗,並熱中於創新科技,希望以行動啟發並推動創科發展。

話時話,花名「薯片」的曾俊華去Bowtie做顧問,咁啱同佢私交甚篤嘅舊老細曾蔭權花名又係叫「煲呔」,認真有緣分。

[小琴密語]