經民聯5「猛男」兩會打卡

文章日期:2019年3月13日

【明報專訊】全國政協會議今日閉幕,好多身在北京的政協委員除咗揸緊時間開會交流之外,更加唔少得把握「兩會藍(難得蔚藍晴空)」多影合照同埋「打卡」,金融服務界立法會議員張華峰就聯同4位經民聯同事喺人民大會堂前留影,仲喺社交平台上寫住「經民聯五名猛男」,仲要加hashtag「#5猛男邊個最型?」至於答案係咩,小琴相信各位讀者心目中都已有答案,亦無謂在此猜測。

呢5位「猛男」,除咗肥老闆張華峰之外,仲有鄉議局主席劉業強、工程界議員盧偉國、立法會主席梁君彥同商界議員林健鋒。

張華峰:料港最先推出A股期貨

猛唔猛小琴就唔敢講,不過講起張華峰,佢今年兩會期間仍然不忘香港市場發生嘅大事,噚日亦同香港行家講,香港早已做好準備,預計A股指數期貨將會香港最先推出,更強調香港市場推股指期貨好有經驗,而且監管周到。

email: piano@mingpao.com

[小琴密語]