港大伙騰訊培訓FinTech人才

文章日期:2019年3月7日

【明報專訊】香港金融科技行業成日都唔夠人才,一係金融人唔夠Tech,一係IT人唔識Fin。騰訊金融學院(香港)噚日同香港大學簽署合作備忘錄,結合學術和實戰經驗,合作培訓人才和開展研究。

騰訊提供實習名額

今年港大會新設主修金融科技的文理學士本科學位課程,提供30個學額。騰訊(0700)港澳及跨境金融事務高級總監李子樹話,騰訊嘅專家會客席為學生講課,亦會安排學生喺騰訊同上下游公司參觀實習。此外,佢哋舊年都有實習計劃開放畀香港的大學生參加,計劃今年名額由30個加到50個,不過要同大灣區嘅同學仔共享。

港大金融科技課程主要由工程學院牽頭,商學院提供商學知識,法律學院支援相關的法律框架知識。計算機學系系主任林德華就話,全球對金融科技人才需求上升,過去佢哋嘅學生都會去國際投行同本地銀行等金融機構實習,都有學生喺英國留學後,留番喺當地金融企業工作。

[小琴密語]

相關新聞

明報影片