平保「牛臉辨識」防騙保

文章日期:2019年2月26日

【明報專訊】用緊iPhone X嘅朋友,每次用電話照一照個樣就開到鎖,對人臉辨識技術應該唔會陌生,但係牛臉辨識你又有無聽過?喺中國,農民會為牲畜購買保險,但係牛牛隻隻個樣差唔多,全個農場咁多牛,保險理賠人員邊認得晒,所以有個別農戶會攞咗隔籬農場無買保險嘅死牛,話係自己嘅牛詐領保險,搞到整個行業保費提高。

平保(2318)有見及此,就利用人工智能技術,對奶牛的花紋、豬隻的臉部和尾部等嘅動物特徵進行識別,就算更換牲蓄上的標籤,都可以認到呢隻牛究竟有無受保,解决過往人手識別面對嘅困難,更加精準計算農戶養殖嘅風險,咁農民嘅保費可以更低。辨識技術是利用平保嘅手機App進行,亦可以加快保險賠付速度。

[小琴密語]

相關新聞

明報影片