銀聯港春節交易金額 升逾四成

文章日期:2019年2月20日

【明報專訊】銀聯國際噚日公布,香港持卡人在剛過去的農曆新年期間(2月2日至10日)的交易金額顯著增加,本地交易額更按年升逾四成。𠵱家香港的支付市場基本畀支付寶與微信支付佔據,小琴好奇點解銀聯表現「突飛猛進」。銀聯喺新聞稿解畫,指在今年維園年宵銀聯雲閃付App是場內的唯一移動支付方式,所以期間交易量中有八成來自港澳用戶。

早排唔少網民熱議銀聯同維園年宵合作,只可用雲閃付或現金買嘢,由於用雲閃付先有優惠,變相「焗用」銀聯。不過數據睇嚟,銀聯呢次燒錢似乎燒得有成果啦。

不過銀聯都提到,銀聯卡用戶亦在外地頻繁使用銀聯卡,新春期間內地掃碼支付的筆數顯著增長。至於內地春節黃金周期間,內地銀聯卡持卡人在本港消費也保持增長,其中銀聯閃付、銀聯二維碼支付交易額更是錄得高倍數增長。

[小琴密語]