帽后顏寶鈴「找數」 與丈夫每月一遊

文章日期:2019年2月19日

【明報專訊】「帽后」飛達帽業(1100)副主席顏寶鈴早幾年去孟加拉做開荒牛,事事親力親為。

孟加拉新廠房將竣工 營運已上軌道

聽佢講,新廠房將於今年10月竣工,目前嗰邊營運已經上軌道,仲全面實現無紙化同自動化,比起深圳廠房仲先進,到時孟加拉產能佔公司總產能比例將會提升到90%。

顏太話,𠵱家只係需要每個月去一次孟加拉,所以今年開始要向老公顏生「找數」,每個月陪佢去一次旅行,呢個新年佢地就去咗「全球最快樂國家」不丹旅行,仲行山睇寺廟,點知遇着大風雪,上山落山用成7個幾鐘。顏太話好多人都中途放棄,但佢覺得既然一場來到,點都要完成行程,雖然路途辛苦至極,但去到寺廟感受山中空靈,真係一切都值得。

咁跟住去邊度?顏太話3月參加完全國兩會就會去印度,4月就去日本。小琴聽到都流晒口水,羨慕死隔籬了。

[小琴密語]

相關新聞

明報影片