中環中心搞開市儀式 新業主登場

文章日期:2019年2月14日

【明報專訊】中環中心換咗新業主一段時間後,噚日適逢己亥豬年正月初九,大廈管理公司同新業主一齊舉行開市儀式。當中包括大廈管理公司第一太平戴維斯、業主金利豐(1031)主席兼執行董事朱沃裕、行政總裁兼執行董事朱李月華、「小巴大王」人人汽車董事長馬亞木更罕有同埋佢長孫馬雍景一齊出席。

除此之外,出席者仲包括中國港澳台僑和平發展基金管理公司嘅張海華等,佢哋一齊主持舞獅點睛,寓意喺生意場上「火眼金睛」,財源滾滾;然後又參與舞獅表演及採青儀式,意在「遍地生財」。

接手後首次高調現身

講開又講,長實(1113)上年出售中環中心75%業權呢單世紀大刁,轟動全球,新業主接手後極之低調幾乎無出過嚟,今次搞個儀式出番嚟畀大家大鑼大鼓影吓相壯吓威,點都叫做有個交代。

[小琴密語]