安盛白禮恒包湯圓 大廚唔收貨

文章日期:2019年2月13日

【明報專訊】新正頭唔少公司會搞春茗同傳媒聚一聚,法國籍的安盛香港及澳門行政總裁白禮恒(圖右)噚日喺春茗上,入鄉隨俗親自落場整湯圓。不過睇嚟佢包湯圓唔係咁在行,蓮蓉餡未有包入去湯圓入面,身邊指導的大廚都話唔太OK喎,不過在場傳媒就睇得幾開心。2017年來港嘅白禮恒又話,喺香港地方細細,可以好方便咁見晒代理同事,如果喺外國就要幾個星期先做到。

講番保險本行,白禮恒話今年佢哋目標增加兩成代理,亦會推進數碼化提升生產力。此外,安盛都會喺下一季推出新嘅服務平台,讓客戶能夠更簡便查核保險資料同索償進度。另外,佢哋最近搵嚟網球名將莎蓮娜威廉斯拍廣告,白禮恒話細威經歷過高潮同低潮,可以夾到公司「Know You Can」嘅新標語。

[小琴密語]

明報影片