星展後勤共享辦公室開張

文章日期:2019年2月9日

【明報專訊】近年唔少銀行將後勤辦公室設計成共享辦公室,營造輕鬆嘅工作環境。星展銀行喺觀塘Two Harbour Square的新辦公室DigiHub啱啱開張,佔地7層。大部分來自科技及營運部的1600個後勤員工,會陸續搬入。除咗一般共享辦公室都有的公共社交空間、自由選擇工作座位外,亦設有育嬰室及安靜區,同埋日式園林設計嘅會議室。

辦公室仲放咗一部由巴塞隆拿訂番嚟嘅足球機,有咩咁特別?聽聞部機兩邊半場會向中間傾斜,龍門開波時就唔會直接飛去另一邊龍門,咁可以玩得公平好多。唔鍾意玩足球機都無問題,場內放咗多部按摩椅,仲有由小型貨車改裝的自助美食車。遇着開公司Party,辦公室設有啤酒Tap,有4款啤酒畀同事任揀任飲。

[小琴密語]