拜年遇尷尬問題 AI聊天機器人助解答

文章日期:2019年2月9日

【明報專訊】有心唔怕遲,10月都係拜年時,何况今日只係年初五,小琴都喺度同讀者拜年,祝大家財源滾滾,萬事如意。

相信唔少人拜年,最怕係畀親戚問一啲答又唔係,唔答又唔係嘅尷尬問題,例如幾時結婚呀?人工幾多呀?買咗樓未呀之類。面對呢一堆提問,究竟可以點樣作答先至既不得失親戚,又可擺脫尷尬呢?相信有唔少人會好想知道。

有見及此,內地一家人工智能技術供應商上海智臻,旗下智能小i機器人就特別推出聊天機器人應用程式「春節尬聊寶典」,協助用戶回答拜年期間可能遇到嘅難題,而且仲可以畀你選擇回答風格,究竟係想大方得體咁回應,定係直率詼諧去令對方啞口無言。

但當然,呢個程式目的都係博君一笑,唔通新年流流真係日日要赤口咩。

[小琴密語]

明報影片