德祥向陳國強派千萬「大利市」

文章日期:2019年1月30日

【明報專訊】年尾流流,大家都希望花紅有着落,小琴發現原來「殼王」陳國強都收到自己做大股東的公司德祥地產(0199)送畀自己的花紅,總額達到1000萬元!睇番德祥的公告,陳國強自2017年4月起至2020年3月底為公司提供顧問服務,每月顧問費為5萬元,但全年顧問費要低於300萬元。雖然陳國強已放棄收取上述的顧問費,但德祥就認為陳國強對集團多個再融資項目及海外投資計劃起了相當重要的作用,為其未來進一步擴展作好準備,所以決定以內部資源向陳國強派發1000萬花紅。

不過,小琴就好奇計下數,陳國強每年顧問費應低於300萬元,由2017年4月至今服務兩年未到,原本顧問費就600萬元,今次派成1000萬元花紅畀陳國強,多出唔少。小琴希望真係如通告所講,陳國強可以在餘下時間繼續為德祥帶來更多正面貢獻,包括推薦優質的投資機會和業務策略。

[小琴密語]

相關新聞

明報影片