中環中心易主 陸叔被迫搬落30層

文章日期:2019年1月30日

【明報專訊】股評人「陸叔」陳永陸(圖)噚日趁農曆新年前,同一班媒體朋友提早聚聚。講開佢喺中環中心62樓租用多年嘅寫字樓單位,隨住中環中心轉手後,原來新業主許榮茂最近接手後,華泰證券(6886)即租用62同63樓兩層,所以陸叔唯有即刻搵個新場遷入,最終要搬落去金利豐(1031)行政總裁朱太朱李月華做業主嘅同一幢大廈嘅33樓一個單位。

陸叔話,不嬲都用開中環中心個Office同商業電台主持做直播節目,所以近排佢就算喺收工後,都要繼續努力,同商台工程部人員行上行落睇場,兼且籌備喺短短一個月內快速建成直播室。據講,新樓層將來做直播基本上問題唔太大,只係要嘥多少少時間做好個隔音功能。江湖傳聞話,陸叔就算搬落幾層,以中環中心租金有番咁上下嚟講,都唔慳得幾多。

[小琴密語]

相關新聞