國泰新推「港式滋味」飛機餐

文章日期:2019年1月30日

【明報專訊】出外遠行有時會想念家鄉菜,尤其嚟緊農曆新年,如果咁啱要搭長途機、又係搭國泰航空(0293),就可以試下佢哋新推嘅「港式滋味」飛機餐,喺機上食臘腸雞球飯、珍珠奶茶布甸啦。

長途航班客艙提供

國泰航空由2月起至4月,將會喺由香港出發嘅長途航班的所有客艙上,提供多款地道廣東菜式,畀搭長途機嘅乘客都有「家」嘅感覺。當中頭等艙嘅菜單有「鮑魚花菇扒菜絲​​豆腐」;商務艙就有「燒鴨湯瀨粉」、「珍珠奶茶布甸」、「杞子桂花糕」;特選經濟艙有「大澳梅菜蒸比目魚配絲苗飯」(圖);經濟艙會提供「港式咖喱海鮮飯」或者「臘腸雞球飯」,菜式全部取材自本土餐飲文化。

撞正農曆新年,國泰亦都提供節慶「意頭菜」,例如「古法石斑配薑葱豆腐炆花菇」同「鴻圖蟹肉湯伊麵」,分別喺頭等艙同商務艙提供。

email:piano@mingpao.com

[小琴密語]

明報影片