「美團七條」倡廉潔

文章日期:2019年1月29日

【明報專訊】早前內地無人機巨頭大疆創新因為內部腐敗問題,估計舊年損失超過10億人仔,可想而知內部管理對一家科技公司係十分之重要㗎,內地生活服務平台美團點評(3690)噚日召開年度戰略溝通會,董事長兼首席執行官王興發布咗「美團七條」,連同一百多名管理層承諾廉潔自律、以身作則!

據了解,美團早喺2015年成立監察部,喺2016年成立陽光委員會,推出咗十幾項員工的行為準則,要求員工「堅守道德與法律底線」,佢哋仲話,會全面加強內部控制,會透露完善流程、機制約束等措施,降低舞弊行為發生嘅風險概率。舊年12月,美團仲發布生態反腐處罰公告,由上年2月至12月,美團「重案六組」調查咗29宗違紀類刑事案件,有89人被移送公安機關查處,當中內部員工貪腐及其他違紀刑案11宗,涉案員工16人。

[小琴密語]