海通設免息貸款 幫管理培訓生上車

文章日期:2019年1月26日

【明報專訊】香港買樓愈嚟愈難,人工永遠都追唔上樓價升幅,唔少年輕人唔靠父母畀首期,真係好難上車,不過原來除咗「靠父幹」,搵間好公司打工都好緊要。近排海通國際發出內部文件,特意設立免息貸款計劃,變相幫助員工上車。

每人200萬先到先得 上限1億

海通國際一份內部文件提到,公司會設立《管理培訓生首次置業貸款資助計劃》,為每位合資格嘅管理培訓生提供每人200萬元嘅免息貸款,用於首次購買自用嘅本港物業,計劃會於今年2月1日起生效。

不過,貸款計劃以先到先得為原則,上限為1億元,在職兼獲免息貸款嘅員工,毋須支付上述200萬元嘅貸款利息,但如果終止僱傭關係,就要連本帶利償還,小琴問過海通國際,佢哋確認公司的而且確有咁嘅計劃,但計劃2月先會實施,點樣償還貸款同其他細則就有待公布。

[小琴密語]

明報影片