向總理建言 馬雲講明「有啲難聽」

文章日期:2019年1月18日

【明報專訊】如果大家有機會同國務院總理李克強面對面傾偈,唔知會唔會有啲緊張呢?不過對見慣大場面,連國王都招待過嘅阿里巴巴主席馬雲(圖)見到總理唔單止唔會緊張,仲好大膽。

話說日前李克強接見一批經濟學者同企業家,聽取佢哋對政府工作報告草稿意見,席間馬雲開場白毫不客氣,話自己唔係代表阿里巴巴,而係代表阿里巴巴平台3000幾萬家企業,仲講明之後要發表嘅內容會「有些刺耳,有些不太好聽」。

告誡唔好「用管火車站方式管機場」

咁佢究竟講咗咩呢?據官方報道,馬雲主要建議推出更大嘅減稅措施,唔好忽略經濟下滑同就業風險,同埋告誡政府唔好「用管理火車站的方式管理機場」,聽落又唔算刺耳啫。不過咁,真係刺耳嘅說話,你估官方會公開畀大家知道咩?

[小琴密語]

明報影片