港機伙八方聯智設計私人飛機

文章日期:2019年1月8日

【明報專訊】舊年被太古(0019)宣布私有化嘅港機集團噚日宣布,同香港設計公司八方聯智簽合作協議,為亞洲同中東嘅私人飛機客戶提供服務,港機就梗係負責飛機維修同客艙整合等服務,八方聯智就負責由內到外咁設計到架機靚一靚。

有錢人買隻飛機返嚟當然要按自己喜好整到好好睇睇,廈門太古行政總裁陳正舊年就同小琴講,有客人希望喺飛機開天窗,因為影響飛行安全,有錢都做唔到。

客人如果想將私人飛機以某個品牌為主題,佢話無問題,「直接請個設計師嚟一齊做機艙設計」。不過現時同八方聯智合作,就可為客人做到最合心水嘅設計。

查實八方聯智名氣都唔細,曾經多次獲得國際提名,之前亦有同太古系合作,國泰(0293)個新標誌就係出自佢地手筆,就連希慎(0014)同Dyson都有搵佢地做產品同品牌宣傳架。

[小琴密語]

相關新聞