ofo創始人戴威成「老賴」

文章日期:2018年12月21日

【明報專訊】近期ofo都算處於風口浪尖,因為傳出資金周轉問題,有指至少1000萬名用戶申請退押金。

欠債未還 法院判「限制消費令」

到噚日中國執行信息公開網披露信息顯示,ofo創始人戴威更因為欠債未還,被判「限制消費令」。換句話說,在此限制令下,戴威不得坐飛機或高鐵頭等票;唔可以去星級酒店、夜總會等地方消費,亦不能買房買車同去旅遊。

「限制消費令」屬於專門針對一班不跟從法院判決,惡意逃避責任者嘅強制措施,呢類人亦即係內地俗稱「老賴」。今次戴威做咗「老賴」,即係話佢同樂視創辦人賈躍亭已經係同一層次,只不過人地賈躍亭現時身處美國,限制令對佢有同冇都冇分別,戴威就慘啲,人在北京,以後去邊都唔方便。

不過計小琴話,坐唔到飛機高鐵,戴威仲有ofo單車,大不了踏單車談生意,搞不好伺機宣傳,令公司起死回生。

[小琴密語]

相關新聞

明報影片