小加:新股「破發」是自然現象

文章日期:2018年12月21日

【明報專訊】臨近年尾,港交所(0388)李小加都出篇網誌解釋下點解最近咁多新股一上市就「破發」(跌穿招股價)。小加總裁文中提到,「新股破發是市場自然現象,任何一個市場也不能避免」。不過跌唔跌穿招股價其實同公司質素好唔好無關,只係視乎當時股市氣氛而定。

承認港新經濟股定價太進取

小加總裁亦有提及來港上市嘅新經濟公司的確比美國上市嘅同類型公司有更高嘅估值,可能因為公司上市定價時太進取,集到更多資金,不過同時都面對更大的「破發」壓力,不過佢相信市場有自我調節嘅能力。

小加總裁好鄭重咁提醒大家,投資新經濟公司時要「謹慎,謹慎,再謹慎」!因為買新股唔係包賺,而且新經濟公司有較高嘅經營風險,投資者要好好研究公司嘅基本面。

email: piano@mingpao.com

[小琴密語]