馬雲姓黨反無公職

文章日期:2018年11月28日

【明報專訊】前日《人民日報》全版刊登「關於改革開放傑出貢獻擬表彰對象的公示」,列出100名擬表彰候選名單,內地科網三巨頭,阿里巴巴馬雲、騰訊(0700)馬化騰及百度李彥宏都榜上有名,不過原來3人之中只有馬雲係中共黨員,其餘二人均屬無黨派人士。有趣嘅係,馬化騰同李彥宏雖然唔係黨員,但都有政治身分,馬化騰係全國人大代表,李彥宏係全國政協委員,姓黨嘅馬雲反而無公職。

有外國傳媒就此事向阿里巴巴查詢,但得到嘅回覆係不予置評。不過今次唔係馬雲首次被揭露黨員身分,早在2015年浙商總會成立,馬雲當選為第一屆會長時,於世界浙商網的網站上,馬雲的簡介中就說明了他是中共黨員。有花生友提出疑問,話阿里巴巴2014年上市時,招股書冇提過馬雲係黨員,如果係咁,美國班股東係咪可以集體訴訟,告馬雲披露不足失實呢?

[小琴密語]

相關新聞