小加化身股評人激讚小米

文章日期:2018年11月28日

【明報專訊】港交所(0388)行政總裁李小加最近頻頻亮相於外地嘅論壇,今次喺北京「變身」股評人,大談自己有多了解小米(1810)的商業模式。小加總裁話,小米上市前有好多創投基金都將佢同美國蘋果公司嚟比,投資者唔明點解小米要將自己定位做互聯網公司。小加總裁直言,如果真係將兩家公司相提並論的話,「那就完蛋了」。

佢解釋,美國蘋果公司的15倍市盈率係靠產品質素好同品牌效應所帶來的高毛利率,但係小米創辦人雷軍做生意太「厚道」,小米手機毛利率太低,只能算係公司嘅骨骼,圍繞手機嘅產品及服務係肌肉,先係真正值錢嘅地方,一家公司總不能「骨肉分離」,於是小米一直都話自己係互聯網公司。

稱雷軍太「厚道」

估唔到小加總裁對於喺港交所掛牌嘅公司真係瞭如指掌,如果唔驚引起利益衝突質疑的話,小米真係可以考慮搵佢做代言人呀!

email: piano@mingpao.com

[小琴密語]

相關新聞