李慧敏1200萬捐「恒大」

文章日期:2018年11月24日

【明報專訊】早前升格大學,𠵱家要叫恒大嘅香港恒生大學噚晚舉行一場典禮,將會議廳命名為「李秉源會議廳」,原來係因為恒生(0011)前副董事長兼行政總裁李慧敏捐出1200萬元予恒大,以支持恒大策略發展及推動企業管治課程。為此恒大將會議廳以李慧敏先父李秉源為名,以作紀念。

出席命名儀式嘅除了李慧敏同丈夫袁天凡,仲有恒生前執董馮孝忠、剛剛續任半年嘅港鐵(0066)主席馬時亨等人。

睇番2016年度恒生年報,嗰年係李慧敏退休前最後一個完整財政年度任行政總裁,佢當年包括股份報酬嘅總薪酬大約有2072萬元,即係話,佢將退休前超過半年嘅人工捐畀恒大,的確好慷慨。

相關新聞