新世界鄭志剛搞埋鐘點陪月業務

文章日期:2018年11月20日

【明報專訊】新世界(0017)第三代揸fit人鄭志剛百足咁多爪就人人知,「山竹」打風都開工巡場已經好搏,但估唔到佢𠵱家連陪月、鐘點都撈埋!

新世界旗下「仁山優社」成立多時,力攻多個範疇,如康健護理服務、私家看護、私人運動訓練、痛症治療、特色塑形療程等,樣樣都食正香港人口老化的需要。不過原來仁山優社仲有提供家務助理、吉屋清潔,連陪月都有,可以幫客人做產前準備、嬰兒照顧、產後護理,真正保你全家。據知公司仲設有專門嘅「創齡服務」部門,去年仲去過深圳考察。

其實近年不少內房都搞大健康,提供全方位健康醫療融入地產業務,香港嘅發展商反而行得比較慢,今次新世界率先搞仁山優社,大家不妨留意下。

[小琴密語]

相關新聞