小i機器人香港設新總部

文章日期:2018年11月16日

【明報專訊】內地人工智能公司「小i機器人」設喺中環嘅亞太區總部噚日正式開張,首席執行官朱頻頻帶埋一眾傳媒行家到新總部參觀人工智能應用。小i一直都有喺科學園做技術研發,朱博士就話今次到香港開亞太區總部,就係想人工智能應用技術,經香港市場帶到東南亞市場。

朱博士話,小i人工智能核心能力在於理解語言含意,與人類對話。例如佢哋示範打電話客戶服務熱線,人工智能機械人可以明白客戶說話中含意作出回答,例如客人查問卡數deadline時,話想遲啲先還,客服機械人就講你知遲還的後果。現時喺內地,四大內銀、三大電訊商都係佢哋客戶,智能客服服務能力相當於9000個真人客服。

近排好多大企業發生個人資料外洩,好多人對將個人資料交俾第三方服務供應商唔太放心。小i喺香港都有匯豐同中銀國際兩個銀行大客,董事長袁輝就話人工智能服務系統會放番喺客戶內部的私有雲端系統,唔會放係公眾雲端,而且系統要滿足客戶安全標準先會應用。

[小琴密語]

相關新聞