陳民亮會林鄭 教路搞電競?

文章日期:2018年7月18日

【明報專訊】電競界猛人、雷蛇(1337)創辦人兼行政總裁陳民亮,噚日喺社交平台上載咗一張同特首林鄭月娥嘅合照,留言話未來喺香港有好多發展大計,莫非雷蛇想喺香港大搞電競比賽同電競館?

雖然陳民亮喺社交平台未有透露具體詳情,不過據小琴了解,佢同林鄭只係短聚,主要係交流下發展電競嘅心得。

不過,呢幾年全球電競市場發展得咁快,香港政府一路都想從中分一杯羮,例如早前政府已經向數碼港撥款1億元,希望將數碼港商場改造成電競同數碼娛樂熱點,前排又宣布再舉辦第二屆香港電競音樂節。如果林太想搞好電競,將業內權威雷蛇當做老師請求教路,都未嘗唔係個好方法嘅。

email: piano@mingpao.com

[小琴密語]