免稅店Duty Zero開幕 引智能調酒師 - 20180713 - 報章內容 財經 - 明報財經網

免稅店Duty Zero開幕 引智能調酒師

文章日期:2018年7月13日

【明報專訊】時下流行搞人工智能AI,就連香港國際機場新落成嘅煙酒免稅店「Duty Zero」,都引入全球機場首位智能調酒師,旅客登機前若想打發時間,就可以去同佢交流下喇。

雞尾酒按季更新主題

究竟點樣叫智能調酒師為你提供服務呢?其實好簡單,只需要掃描登機證,然後喺智能吧枱上選擇語言,睇下唔同雞尾酒嘅介紹,再點選想要嘅雞尾酒品種,跟住落單,智能調酒師收到order後,就會自動將飲品調製好,成個過程都無真人酒保參與。

當然,如果有顧客唔係好習慣呢啲新科技,隔籬都有真人調酒師精心製作嘅飲品可供品嘗。呢啲雞尾酒都會按季度更新主題,保證你每次嚟都可以品嘗到唔同嘅美酒!

淨係大人先可以飲酒,小朋友係咪好無聊?其實,Duty Zero仲有一個熱感應嘅遊戲互動專區畀小朋友玩㗎。

[小琴密語]

相關新聞