《我不是藥神》票房勁 炒起影業股 - 20180706 - 報章內容 財經 - 明報財經網

《我不是藥神》票房勁 炒起影業股

文章日期:2018年7月6日

【明報專訊】炒股要留意好多嘢,好似炒電影股咁,就要留意吓最近上映嘅電影啦!內地電影《我不是藥神》近期上映後票房報捷,電影嘅聯合出品方阿里影業(1060)噚日股價急升,最高升過一成,收市升幅收窄至2.4%,不過一眾A股電影股就炒到停晒板。

據中國新聞網報道,《我不是藥神》4天嘅點映累計觀影人數超過150萬人,點映票房已超過1.19億元人民幣,喺兩個工作天嘅點映期間,仲成為當日票房冠軍。為滿足觀眾觀影需求,公映日期將提檔一天至今日,預計總票房不少於20億元人民幣,可能挑戰《戰狼2》34億嘅票房成績。

《我不是藥神》係根據真實故事改編,講述一個白血病人喺無法承擔價格離地嘅治療藥物下,搵到一名保健品老闆買入低價仿製藥。呢齣戲涉及敏感題材,反映𠵱家大陸社會醫療同法律嘅現實問題,能夠反映社會現實,小琴覺得總好過過分利用國民愛國情緒嚟賺錢,小琴都有興趣睇吓呢套電影呀!

email: piano@mingpao.com

[小琴密語]

相關新聞