新創建又搵前高官入局

文章日期:2018年7月4日

【明報專訊】上市公司時不時委任政府前高官加入董事會,一向「鍾情」前高官嘅新創建(0659)最新公布,搵咗前發展局長馬紹祥(圖)做集團嘅執行董事兼首席營運總監,由下星期一起,即7月9日生效,月薪45萬起,再加酌情花紅,合約為期3年。

另一邊廂,負責監督新創建環境、醫療同建築業務嘅執行董事麥秉良,就因為希望有更多時間處理個人事務,所以喺9月13日起辭任。同時新創建亦搵咗高級總監何智恒入去做執行董事,同埋搵現任高級總監兼公司秘書鄒德榮做埋執董。

講開又講,馬紹祥喺新一屆政府上任前提出不再留任,離開熱廚房,一度傳佢過檔機管局,點知都係詐糊,今次過檔新創建,唔知會唔會有一番新作為呢?

[小琴密語]

相關新聞