國家隊世盃輸波 股市即冧

文章日期:2018年6月22日

【明報專訊】最近茶餘飯後話題總離不開世界盃,話說倫敦商學院一項研究發現,如果一個國家嘅球隊喺世界盃輸波,就好有可能會拖累該國股市下跌0.5%,以英國為例,英格蘭隊輸波嘅話,倫敦股市第二日將會蒸發大約120億英鎊。呢種現象對於英國、德國、法國及西班牙等足球國家特別明顯,主要係因為足球容易觸動情緒,投資者亦唔例外,所以佢地嘅投資決定將會受賽果左右情緒所影響。

咁係咪調轉講,贏波就會升市呢?個研究又話唔會喎,原因係球迷一定捧自己國家隊,所以贏就應該,輸就悲哀。你又唔好話個研究無道理,事關呢排見唔少「賓架」晚晚掛住睇波,返工無晒精神,尤其係德國輸嗰場,假期後成班德國躉「賓架」死氣沉沉,咁嘅款換轉係你都唔敢叫佢入市啦。

[小琴密語]

相關新聞