金管局:不可胡亂自稱「銀行」 - 20180622 - 報章內容 財經 - 明報財經網

金管局:不可胡亂自稱「銀行」

文章日期:2018年6月22日

【明報專訊】騙徒手法層出不窮!金管局噚日再度「警訊」上身,提醒大家遇到聲稱自己係銀行嘅機構時要小心。

金管局副總裁阮國恒喺網誌《匯思》話,近日發現有個別從事虛擬商品交易嘅機構,名稱或網頁內採用「銀行」呢個詞語,喺描述產品同服務時,又提及「存款」嘅字眼。金管局話,香港喺發牌同監管銀行經營方面都有嚴謹法例,除非係金管局認可嘅銀行或接受存款公司,否則唔可以隨便使用「銀行」作為名稱或邀請大眾存款。

可能呢啲機構覺得,如果加上銀行嘅名稱,會俾市民更大信任。但金管局強調,如果係銀行以外行業,只要名稱、域名、產品申述等用到「銀行」或類以英文字眼,都要先向金管局申請。

希望大家炒賣還炒賣,都要注意風險同埋有無被人呃,否則只會賠了夫人又折兵。

email: piano@mingpao.com

[小琴密語]

相關新聞