奇華廠房擬搞歷史廊 展示集體回憶

文章日期:2018年6月21日

【明報專訊】近年香港流行集體回憶,好似有80年歷史嘅奇華餅家,噚日個慈善活動「以禮傳情八十年」啟動禮上,集團主席及董事總經理黃錫祥就話,構思緊喺大埔廠房裏面起一個以香港傳統餅食為主題嘅歷史廊,面積大約1000方呎,預計1年內開幕,將免費畀市民參觀。

展品包括日治軍票 免費開放參觀

歷史廊會展示香港早期嘅做餅器具、奇華過去80年保存落嚟具歷史價值嘅物件,包括日治時期收到嘅軍票、月餅會單據、昔日宣傳單張、產品模型、包裝盒或紙、舊式廣告及圖片等等。

噚日黃錫祥向記者展示咗一啲昔日軍票同宣傳單張,佢對呢啲歷史物件如數家珍,仲回憶起舊時奇華嘅餅食師傅。佢嘅心願就係將昔日珍貴嘅點滴記錄好,為市民帶嚟集體回憶,尤其畀新一代了解本地飲食文化嘅發展歷史,仲希望將奇華塑造成代表香港嘅品牌。

[小琴密語]

相關新聞