李小加首出席兩會蕩失路

文章日期:2018年3月3日

【明報專訊】港交所(0388)行政總裁李小加(圖)今年獲選為全國政協委員,首次參加兩會,雖然話佢係新丁,但佢噚日現身著住一身黑色長褸、藍色裇衫襯紅色領帶,加埋副黑超,上北京前肯定悉心襯過。

自稱小學生「來學習」

雖然小琴唔似fb page佬訊咁專業,不過小加一身黑色大褸,入面著藍色裇衫襯淺色領帶,加埋太陽眼鏡同攝入大褸嘅頸巾,佢嘅衣著品味喺兩會一班政協代表入面的確特別醒神。

不過型男都係會蕩失路,佢噚日著到靚靚咁,但唔知係咪無咗工作人員幫手護駕,佢面對大班記者時就似乎有啲手足無措,面對連珠炮發嘅提問,只係不斷重複「我是來學習的,我是來學習的」。

搞咗一輪佢好似成功「逃走」,不過佢就搞錯咗方向,唔夠幾分鐘,就折返原路去搵港區政協專車,笑笑口話「今次第一次參加,我只是小學生,在聽在學習」。

[小琴密語]