雙馬趁新年鬥派利市 - 20180221 - 報章內容 財經 - 明報財經網

雙馬趁新年鬥派利市

文章日期:2018年2月21日

【明報專訊】農曆新年逗利市,自從有咗手機支付,利市都多咗好多種,例如喺淘寶嘅「春晚紅包」同微信嘅「走運紅包」,雙馬喺派錢方面都「不遑多讓」呀。據阿里巴巴公布,今年淘寶「春晚紅包」喺開場後一個鐘內,就有近6000萬家庭參與,淘寶喺當晚更發放超過10億元人民幣嘅現金紅包同獎品,截至當晚11點就已經錄得超過1億戶家庭參與。

騰訊(0700)亦公布,喺大年初一至大年初三微信用戶可以通過步數抽取QQ春節「走運紅包」,期間就有2.1億網民走出家門,抽咗17.9億個紅包,累計走咗3.4萬億步,即係大約等於22.4億公里,亦即係相當於來回地球同火星之間20次呀!喺除夕參與收發微信紅包嘅總人數仲達到6.88億,按年升咗15%。為咗逗多啲利市,行多幾步又有咩所謂呀。

[小琴密語]