瑞銀輪王變身財管猛將 - 20180201 - 報章內容 財經 - 明報財經網

瑞銀輪王變身財管猛將

文章日期:2018年2月1日

【明報專訊】有輪王之稱的前瑞銀衍生工具部一哥于正人上年辭任後,動向一直受關注,近日終於揭曉。佢原來只係由瑞銀衍生工具部調職財富管理部,成為瑞銀財富管理大中華區一姐盧彩雲(Amy)旗下猛將。

究竟于正人點解會有呢個轉變?係唔係輪證生意難再闖高峰呢?追問之下,于正人話,其實上年自己管理衍生工具部交足功課,希望喺有好表現時退下火線,而且喺呢個崗位已做咗12年,踏入2018年終可以有新嘗試。佢自信人際網絡唔錯,而且前輪后李靄欣亦係佢拍檔,以往喺輪壇合作開,相信未來自己團隊會有更多人才加入。

當問到佢嘅老死、恒基(0012)二公子李家誠同東亞(0023)二公子李民斌會唔會係佢首批客戶時,于正人就話未知佢哋係唔係瑞銀客,不過有信心可以擴大佢嘅理財團隊喎!

[小琴密語]