炒牛熊證勁蝕 明愛收百宗求助個案 - 20180120 - 報章內容 財經 - 明報財經網

炒牛熊證勁蝕 明愛收百宗求助個案

文章日期:2018年1月20日

【明報專訊】港股最近節節爆升,前景看似一片向好,但其實金融市場風雲變幻,恒指每升一點都有回吐嘅可能。香港社會服務機構明愛向晴軒話,舊年接獲超過100宗涉及投資失利嘅求助個案,涉及欠債金額低至數十萬高至數百萬不等,不少更加係40歲以下,學歷高又有穩定收入嘅年輕投資者。

求助者不乏高學歷收入穩定人士

其中一宗個案,係一名30多數歲男士,入市買牛熊證,曾經喺一、兩個月內賺咗60萬、70萬元,繼而想喺股市賺錢買樓,結果市况波動下牛熊證蝕錢,欠債70萬至80萬元,最後因為帳單畀太太發現,夫婦向明愛向晴軒求助。

借貸投資勿輸打贏要

明愛向晴軒提醒近日有意入市者,最好喺投資前考慮清楚,有餘錢先投資;借貸投資要考慮自己嘅還款能力,必須訂止賺及止蝕位,唔好輸打贏要,亦唔好貪心高回報及人買我買,最好分散投資,分散風險。

email: piano@mingpao.com

[小琴密語]