菲傭辭職做匯豐證人 羅老太:好無安全感 - 20180119 - 報章內容 財經 - 明報財經網

菲傭辭職做匯豐證人 羅老太:好無安全感

文章日期:2018年1月19日

【明報專訊】鷹君集團(0041)羅老太撤換信託人官司沒完沒了,噚日羅老太經公關發言人再度發炮,今次矛頭直指服侍羅老太十幾年嘅菲傭,原來一直偷偷錄低老太同家人或朋友嘅日常對話,嗰名菲傭上星期辭工,轉個頭竟然變成匯豐嗰邊嘅證人,羅老太自然嬲嬲豬,話搞到佢好驚同無安全感。

羅老太一方嘅律師而家研究緊會唔會報警同去老廉告狀,仲話已將工人之前做落啲錄音交畀律師。至於剩番繼續服侍緊羅老太嘅工人,就再無變動過。匯豐方面就話唔會評論件事啦,鷹君羅嘉瑞一方,就講明家族事件已進入法律程序,亦基於尊重司法制度,唔會回應有關傳聞。

[小琴密語]