陳家強胞弟陳家樂 獲委證監諮詢委員

文章日期:2018年1月13日

【明報專訊】中大商學院院長陳家樂教授(圖)噚日被委任加入證監會諮詢委員會,接替離開嘅杜漢文,而陳家樂就係財經事務及庫務局前局長陳家強個細佬,雖然佢哋外形唔多似,但似乎兩兄弟都鍾意擔任公職服務大眾!

陳家樂除咗係中大商學院院長外,亦都係房委會財務小組委員會主席、恒指顧問委員會委員等等。證監會主席唐家成噚日公布任命就話,深信陳教授嘅「真知灼見」同豐富經驗可以幫助委員會,同時都感謝離任嘅杜漢文過去幾年嘅貢獻。

政府發言人就話,陳家樂嘅任期會由本月15日到下年5月31日。諮詢委員會關乎證監會履行職能嘅政策事宜向證監會提供意見,香港即將引入同股不同權架構;另一方面,房委會又要檢討「綠置居」恒常化先導計劃的成效,相信身兼多職嘅陳家樂呢一年都會相當忙碌!

[小琴密語]

相關新聞