陳德霖落區巡銀行流動分行

文章日期:2018年1月13日

【明報專訊】金管局近年呼籲銀行要推動普及金融,幾家大銀行都推出咗流動分行服務,派駐附近無分行的屋邨和地區。恒生喺舊年12月都推出流動分行,逢星期一、三同五,分別派駐啟德啟晴邨、觀塘安達邨同埋元朗洪福邨,另外正積極準備推展去另外兩個公共屋邨。𠵱家計埋有3家零售銀行推出共5部流動分行,服務24個地方及公共屋邨。

籲加強公屋銀行服務

金管局總裁陳德霖(圖右)噚日去咗元朗洪福邨巡場,了解恒生嘅流動分行設計同服務。佢仲去埋南洋商業銀行喺葵盛東邨開設嘅新分行,睇下便利傷健人士使用嘅銀行櫃位,同埋試用語音導航嘅自動櫃員機。

陳總就向兩家銀行派like,話佢地積極響應金管局的呼籲,加強喺公共屋邨銀行服務,照顧基層市民對基本銀行服務嘅需要。

email: piano@mingpao.com

[小琴密語]

相關新聞